Tilsette i Initiativ Vest

Mathias Fischer er vaksen opp i Bergen. Han har vore statssekretær for Venstre i Klima- og miljødepartementet, rådgjevar i TRY Råd og kommentator i Bergens Tidende. Sidan januar har han jobba som rådgjevar i Venstre si stortingsgruppe.

Tommy Mo Aarethun er vaksen opp på Lærdalsøyri i Sogn. Han er utdanna statsvitar frå Universitetet i Bergen (UiB). Aarethun har arbeida som rådgjevar og taleskrivar for rektor Dag Rune Olsen ved UiB (2015-2017), og frå 2017 til 2020 var han politisk rådgjevar og stabssjef for byrådsleiaren i Bergen kommune.

Aarethun har i tillegg hatt ei rekkje verv og rollar som studenttillitsvalt under tida som student ved UiB, og som folkevalt og medlem av Arbeiderpartiet.